క్షిణాదిలో తొలి తెలుగు ప్రాంతీయ వార్తా సంస్థ ‘న్యూస్‌టైమ్’లో ఖాళీగా ఉన్న కో ఆర్డినేటర్ (డెస్క్), కో ఆర్డినేటర్ (న్యూస్), మార్కెటింగ్ మేనేజర్, అడ్వర్టైజ్‌మెంట్ మేనేజర్, ట్రాన్స్‌లెటర్, పేజినేషన్ ఆపరేటర్, యాడ్ డిజైనర్, డీటీపీ ఆపరేటర్, వెబ్ డిజైనర్ ఖాళీల భర్తీకి దరఖాస్తులను ఆహ్వానిస్తోంది. పైన సూచించిన కేటగిరీలలో అనుభవం కలిగిన వారికి ప్రాధాన్యత ఇవ్వడం జరుగుతుంది. ప్రకటించిన మేరకు ఔత్సాహికులు ఆన్‌లైన్ ద్వారా దరఖాస్తులు పంపించాల్సి ఉంటుంది.

వీడియో ఎడిటర్, న్యూస్ బులిటెన్ ప్రిపరేషన్ స్టాఫ్…

‘న్యూస్‌టైమ్’ చందాదారుల అవసరార్ధం రెగ్యులర్ న్యూస్ బులిటెన్‌లు, వీడియో కార్యక్రమాల రూపకల్పన నిమిత్తం వీడియో ఎడిటర్, ఇన్‌పుట్ ఎడిటర్, ఔట్‌పుట్ ఎడిటర్, ఇతర సంబంధిత స్టాఫ్ భర్తీ కోసం కూడా అర్హులైన అభ్యర్ధుల నుంచి దరఖాస్తులు ఆహ్వానించడం జరుగుతోంది. ఈ రంగంలో కనీస అనుభవం ఉన్న వారికి ప్రాధాన్యత ఇవ్వనున్నాము. ఎంపికైన ఔత్సాహికులు ఔట్ సోర్సింగ్, వర్క్ ఫ్రమ్ హోం ప్రాతిపదికన కూడా పనిచేసుకునే వెసులుబాటు అందుబాటులో ఉంది.

పార్ట్‌టైమ్ జర్నలిస్ట్‌లు కావాలి..

జర్నలిజంలో కొనసాగాలన్న ఆసక్తి, సంఘటనలను వార్తలుగా పంపే నేర్పరితనం ఉన్న ఔత్సాహికుల నుంచి పార్ట్‌టైమ్ ప్రాతిపదికన పనిచేయడానికి విలేకరులు కావాలి. తాము ఏ కేంద్రం నుంచి పనిచేయాలని అనుకుంటున్నామో ఆ కేంద్రం (డేట్ లైన్ సెంటర్) దరఖాస్తులో స్పష్టంగా పేర్కొంటూ పూర్తి వివరాలతో కూడిన దరఖాస్తులు కోరుతున్నాము.

ఆసక్తి కలిగిన ఔత్సాహికులు నెలాఖరు లోపు తమ అర్హత, అనుభవం, పూర్తి వివరాలతో కూడిన దరఖాస్తులను ఆన్‌లైన్‌లో పంపించవలసి ఉంటుంది. గడువు దాటిన తర్వాత వచ్చిన దరఖాస్తులను పరిశీలించడం జరగదని గమనించాలి.

గతంలో ఆన్‌లైన్ విధానంలో అప్లికేషన్ పంపి ఎంపికకాని వాారు దయచేసి మళ్లీ దరఖాస్తుచేయాల్సిన అవసరం లేదని గమనించమనవి. ఎంపికైన వారు తదుపరి ప్రాసెస్ నిమిత్తం సంప్రదించాల్సి ఉంటుంది. ముందు చెప్పిన ప్రకారం, దరఖాస్తు తిరస్కరణకు గురైన వారూ మళ్లీ మళ్లీ దరఖాస్తుచేయవద్దని ప్రత్యేక విజ్ఞప్ది.

ర్నలిజంలోకి రావాలని, ఈ రంగంలో పనిచేస్తూ తమ ఔత్సాహికతను చాటుకోవాలనీ చాలా మందికి ఆసక్తిగా ఉంటుంది. కాకపోతే, సరైన మార్గం, మార్గదర్శకం లేక వచ్చినా ఈ రంగంలో నిలదొక్కుకోలేక అవస్థలు పడేవారి సంఖ్యే ఎక్కువ. కేవలం తమ ఆదాయాన్ని పెంచుకోవడానికో, తమ పత్రికలను, ఛానళ్లనూ ప్రచారం చేసుకోవడానికో ఎక్కువ మంది ఔత్సాహిక పాత్రికేయులను పావులుగా వాడుకొని చివరికి కూరలో కరివేపాకులా ఎటూ కాకుండా వదిలేస్తుంటారు. ‘గొర్రె కసాయివాడినే నమ్ముతుంది’ అన్న చందంలా ఆ ఔత్సాహిక అమాయకులు కూడా అలాంటి వారినే నమ్మి ఎలాంటి ప్రయోజనం పొందకుండానే ఎడారిలో నావల్లా మిగిలిపోతున్నారు.

మ కళ్లముందు జరిగే అన్యాయాన్ని, అక్రమాలనూ వార్తలుగా వెలుగులోక తేవాలన్న ఆసక్తి ఉన్నా ఏమీ చేయలేక కేవలం ప్రచారకర్తలుగానే మిగిలిపోయే వారూ మన మధ్యే అనేక మంది ఉన్నారు. అలాంటి వారు ఇకమీదట తమ ప్రతిభను తమలోనే దాచుకోవాల్సిన అవసరం ఉండదు. వీరికి ‘న్యూస్‌టైమ్’ అండగా నిలుస్తుంది. వారి ప్రతిభకు పదునుపెట్టి, అవాస్తవాలకు పాతరేసి నిజాలను నిర్భయంగా పాఠకలోకానికి పరిచయం చేస్తుంది.

కేవలం ఐడీ కార్డు కోసమో, వైట్ కాలర్ ప్రొఫైల్ కోసమో లేదా ఇంకేదైనా వ్యామోహంతోనో ఈ రంగంలోకి రావాలని మాత్రం ఏ ఒక్కరూ ఆశపడవద్దు. సమాజానికి తమవంతు సేవ చేయాలనుకునే వారు మాత్రమే ఈ రంగంలో ఆర్ధికంగా ఎదగకపోయినా నలుగురికీ ఉపయోగపడతారని గుర్తుపెట్టుకుని మాత్రమే రండి.

అంతేగానీ, కేవలం ‘కార్డు’ కోసమో, ఇంకేదో గుర్తింపు కోసమో మా నుంచి అవకాశాలు ఆశించి మాత్రం దయచేసి దరఖాస్తులు పంపించవద్దని మనవి. తమ ప్రతిభను నిజాయితీగా నిరూపించుకునే ఆశయం, దానికి ప్రతిఫలంగా న్యాయబద్దంగా కాకపోయినా, కష్టానికి తగిన ఆదాయం ఆర్జించాలనుకునే వారు మాత్రమే తమ అర్హతలతో దరఖాస్తు పంపించగలరు.

ఆవిర్భవించిన అతితక్కువ కాలంలోనే చిన్న, మధ్యతరహా ప్రింట్ అండ్ ఎలక్ట్రానిక్ మీడియా న్యూస్ అవసరాలు తీరుస్తూ, వెబ్‌ మీడియా నిర్వాహకుల ఆదరాభిమానాలను చూరగొని విస్తరణ దిశగా అడుగులువేస్తున్న తెలుగు వార్తా సంస్థ ‘న్యూస్‌టైమ్’ ఏజెన్సీస్ వివిధ విభాగాలలో ఖాళీలను భర్తీ చేయడంతో పాటు, కొత్తవారికి అవకాశం కల్పించాలని నిర్ణయించింది.

వీడియో ఎడిటింగ్, ట్రాన్స్‌లేషన్, పేజినేషన్, యాడ్ డిజైనింగ్, డీటీపీ, న్యూస్ కంపోజింగ్, వెబ్ డిజైనింగ్, సోషల్ మీడియా ప్రమోషన్, మార్కెటింగ్, అడ్మర్టయిజింగ్, న్యూస్ కో ఆర్డినేషన్, యాడ్ ప్రమోషన్, సోషల్ మీడియా తదితర విభాగాలలో పనిచేయాలన్న ఆసక్తి కలిగిన స్త్రీ, పురుష అభ్యర్థులు తమ దరఖాస్తులను పాస్‌పోర్టు సైజ్ ఫొటోతో ఆన్‌లైన్‌లో https://newstime.in/application-for-new-joinings ద్వారా పంపించవలసి ఉంటుంది.

కేవలం వృత్తి విలువలపై ఆసక్తి కలిగిన వారు మాత్రమే దరఖాస్తులు పంపిస్తారన్న నమ్మకంతోనే ఈసారి నామమాత్రపు ప్రాసెసింగ్ ఫీ పెట్టడం జరిగింది. ఏదో ఆకతాయితనంతో ఆన్‌లైన్‌లో అనంపూర్తిగా అప్లికేషన్ పంపించాలనుకునే వారికి అవకాశం ఇవ్వరాదన్న ఆశయంతో యాజమాన్యం తీసుకున్న ఈ నిర్ణయాన్ని గుర్తించి ఔత్సాహికులు మాత్రమే ఆన్‌లైన్ అప్లికేషన్ ఫారాన్ని ఉపయోగించుకుంటారని మనవి.

ఎంపికైన వారికి అర్హతను బట్టి జీతభత్యాలు చెల్లించడం జరుగుతుంది.

పేర్కొన్న అన్ని విభాగాలలో ఎంపికైన వారు కేవలం పార్ట్‌టైమ్ ప్రాతిపదికన మాత్రమే పనిచేయాల్సి ఉంటుందని గమనించాలి. వీడియో ఎడిటింగ్, న్యూస్ బులిటెన్ ప్రిపరేషన్, కాపీ ఎడిటింగ్, ట్రాన్స్‌లేషన్, పేజినేషన్, యాడ్ డిజైనింగ్, వెబ్ డిజైనింగ్ రంగాల వారికి ఔట్‌సోర్సింగ్, వర్క్ ఫ్రమ్ హోం సదుపాయం అందుబాటులో ఉంటుంది. ఎంపికైన వారికి సంస్థ నియమ, నిబంధనలకు లోబడి జీతంతో పాటు ఆరోగ్య, ప్రమాద బీమా వంటి ఇతర అదనపు సదుపాయాలను ఉచితంగా కల్పించడం మినహా ఇతర ఎలాంటి అలవెన్స్‌లు చెల్లించడం జరగదని గమనించాలి.

కేవలం ఆసక్తికలిగిన వారు మాత్రమే దరఖాస్తు చేస్తారని ఆశిస్తున్నాము. కరోనా కష్టకాలంలో వివిధ కారణాల రీత్యా ఉపాధికి దూరమైన చాలా మంది సీనియర్లు ఇంటివద్దే ఉంటూ ఔట్‌సోర్సింగ్ పద్ధతిలో చేసుకునే వెసులుబాటు కల్పించిన నేపథ్యంలో వృత్తిపరమైన అనుభవం ఉన్న వారు దరఖాస్తులో ఆ విషయాన్ని ప్రత్యేకించి సూచించాలని మనవి.

ముఖ్య గమనిక… వృత్తిపరమైన విమర్శలు, ఏదైనా ఇతర కేసులలో ఆరోపణలు ఎదుర్కొనేవారూ దయచేసి దరఖాస్తుచేయవద్దని ప్రత్యేకించి తెలియజేస్తున్నాము.