కేంద్ర క్యాబినెట్ కార్యదర్శి రాజీవ్ గౌబా నిర్వహించిన వీడియో కాన్ఫరెన్స్‌లో పాల్గొన్న తెలంగాణ సీఎస్

హైదరాబాద్, జనవరి 9 (న్యూస్‌టైమ్): కోవిడ్-19 టీకాలకు విస్తృత ఏర్పాట్లు చేయాలని కేంద్ర క్యాబినెట్ కార్యదర్శి రాజీవ్ గౌబా రాష్ట్రాల ప్రధాన కార్యదర్శులను కోరారు. కాబినెట్ సెక్రటరీ కోవిడ్-19 వ్యాక్సినేషన్‌ సన్నద్ధతపై రాష్ట్రాలు, కేంద్రపాలిత ప్రాంతాల ప్రధాన కార్యదర్శులు, లెఫ్టినెంట్ గవర్నర్లతో వీడియో కాన్ఫరెన్స్ నిర్వహించారు. రాష్ట్రాలు, యూటీల్లో నిర్వహించిన డ్రై రన్ అనుభవాన్ని పరిగణనలోకి తీసుకొని, వ్యాక్సినేషన్ ప్రక్రియ అమలులో సమర్థవంతమైన వ్యూహాన్ని అనుసరించాలని ఆయన కోరారు. యూనివర్సల్ వ్యాక్సినేషన్ కార్యక్రమంలో భాగంగా, ప్రభుత్వ, ప్రయివేట్ సెక్టార్లు, ఫ్రంట్ లైన్ యోధులు, 50 సంవత్సరాల కంటే ఎక్కువ వయస్సు ఉన్న వ్యక్తులకు వ్యాక్సిన్ ఇవ్వాలని నిర్ణయించామన్నారు.

రాష్ట్ర ప్రభుత్వం మొత్తం రాష్ట్రంలో టీకాలు వేయించడానికి అన్ని ఏర్పాట్లు చేసిందని తెలంగాణ ప్రభుత్వ ప్రధాన కార్యదర్శి సోమేశ్ కుమార్ క్యాబినెట్ కార్యదర్శికి తెలియజేశారు. వ్యాక్సినేషన్ కోసం పంచాయితీ రాజ్ కార్మికులను చేర్చాలని ఆయన క్యాబినెట్ సెక్రటరీని కోరారు, ఎందుకంటే వారు బహిర్గతం కావడం వల్ల సంక్రామ్యతలకు గురయ్యే ప్రమాదం ఎక్కువగా ఉంటుందన్నారు. టీకాలు వేయించడానికి ప్రజా ప్రతినిధులను కూడా చేర్చాలని మరో విజ్ఞప్తి చేశారు. గత వీడియో కాన్ఫరెన్స్‌లో తెలంగాణ ఆరోగ్య మంత్రి ఈటల రాజేందర్ ఈ అభ్యర్థనను చేశారు. ఈ వీడియో కాన్ఫరెన్స్‌లో వైద్య, ఆరోగ్య, వైద్య, కుటుంబ సంక్షేమశాఖ కార్యదర్శి ఎస్ఏఎం రిజ్వీ, డ్రగ్ కంట్రోల్ అడ్మినిస్ట్రేషన్ డైరెక్టర్ డాక్టర్ ప్రీతి మీనా, వైద్య విద్య సంచాలకులు డాక్టర్ కె.రమేష్ రెడ్డి, ప్రజారోగ్యశాఖ డైరెక్టర్ డాక్టర్ జి.శ్రీనివాసరావు ఇతర అధికారులు పాల్గొన్నారు.

1 COMMENT

  1. Hey team,

    I have a client who is interested in winning a link from your site. Are you open to a collaboration of some sort?

    My client creates high-quality content and is relevant to your guys’ niche.

    Let me know what options you have available. My email is billykiriluk@gmail.com.

    Thanks,
    – Billy

LEAVE A REPLY

Please enter your comment!
Please enter your name here